Almatydaǵy órt: zardap shekken eki adam jansaqtaý bóliminde jatyr

ALMATY. KAZINFORM – Almatydaǵy eki qabatty ǵımaratta shyqqan tilsiz jaýdan 2 adam zardap shekti.

Túrksib aýdanynda bolǵan órt saldarynan kúıik shalǵan 63 jáne 67 jastaǵy eki er adamdy jedel járdem brıgadalary №4 qalalyq klınıkalyq aýrýhanaǵa jetkizgen.

- Naýqastar jan-jaqty tekserilip, kombýstıolog, travmatolog, reanımatolog mamandarmen qaraldy. Jaǵdaılary aýyr dep baǵalanady. Naýqastar jan saqtaý bólimine jatqyzyldy. Olar QR DSM dıgnostıka jáne emdeý hattamaǵa sáıkes tolyq kólemde em alyp jatyr, - dep habarlady Qoǵamdyq densaýlyq saqtaý basqarmasynan.

Buǵan deıin Almatydaǵy eki qabatty ǵımaratta qurylys materıaldary órtengenin jazǵanbyz. 

12:25-te 200 sharshy metr aýmaqqa taraǵan ot tolyq sóndirildi.