Almatydaǵy órt: shatyr opyrylyp, tórt adam aýrýhanaǵa tústi
ASTANA. KAZINFORM — Almaty qalasynyń Alataý aýdanyna qarasty Aıgerim-1 shaǵynaýdanyndaǵy Prıgorodnaıa kóshesinde eki qabatty ǵımarattyń shatyry órtendi, dep habarlaıdy TJM baspasóz qyzmeti.
Alǵashqy órt sóndirý bólimsheleri oqıǵa ornyna 7 mınýt ishinde jetti. Órt sóndirýshiler kelgen kezde shatyrdyń búkil aýmaǵy ashyq jalynmen janyp jatqan.
Metall jabyndy shatyrdyń aǵash torlamasy arqyly órt tez taralǵan. Jalynnyń kórshiles turǵyn úılerge taralý qaýpi boldy. Alaıda órt sóndirýshiler ottyń kórshi úılerge taralýyna jol bermedi. Órt 180 sharshy metr aýmaqta tolyq sóndirildi.
— Órtti sóndirý barysynda shatyr opyrylyp tústi. Medıtsınalyq kómek qyzmeti tórt adamdy aýrýhanaǵa jetkizdi. Qazirgi ýaqytta olar dárigerlerdiń baqylaýynda. Órttiń shyǵý sebebi anyqtalyp jatyr, — delingen habarlamada.
Buǵan deıin Taldyqorǵanda naýbaıhanada órt shyǵyp, bir adam zardap shekkenin jazdyq.
