Almatydaǵy órt: balalardy ornalastyrý máselesi qarastyrylyp jatyr

ALMATY. KAZINFORM – Oqý-aǵartý mınıstrliginiń Balalardyń quqyqtaryn qorǵaý komıteti Almatydaǵy órtten zardap shekken balalar úıiniń tárbıelenýshilerine qatysty pikir bildirdi.

Atalǵan balalar úıi — jeke qaıyrymdylyq uıymy. Qazirgi ýaqytta onda 35 bala tárbıelenip jatyr. Búginde barlyq tárbıelenýshiniń jaǵdaıy jaqsy, balalar qaýipsiz jerde ornalasqan.

— Jaǵdaıdy úılestirý maqsatynda jedel shtab quryldy. Onyń quramyna qala ákimdiginiń ókilderi, kámeletke tolmaǵandardyń isteri jáne olardyń quqyqtaryn qorǵaý jónindegi komıssııanyń hatshysy, qoǵamdyq keńes pen úkimettik emes uıymdardyń ókilderi, sondaı-aq qorǵanshylyq organdary, Otbasyny qoldaý ortalyǵy jáne Psıhologııalyq qoldaý ortalyqtarynyń mamandary endi, — delingen habarlamada.

Dárigerler balalardy tolyq tekserýden ótkizip, psıhologııalyq kómek kórsetti. Balalarǵa qashyqtan oqý uıymdastyryldy.

— Qazir balalardy odan ári ornalastyrý máselesi qarastyrylyp jatyr. Oqý-aǵartý mınıstrligi Balalardyń quqyqtaryn qorǵaý komıteti balalarǵa qatysty barlyq másele tolyq sheshilgenge deıin jaǵdaıdy jiti baqylaýda ustaıdy, — delingen mınıstrlik habarlamasynda.

Eske salaıyq, buǵan deıin Almaty qalasynda órt sóndirýshiler Naýryzbaı aýdany Altyn orda kóshesi boıynda ornalasqan balalar úıi órtengenin jazǵan edik. Sondaı-aq  35 tárbıelenýshi men qyzmetkerler ýaqytsha saýyqtyrý sanatorııine ornalastyrylǵan edi.