Almatydaǵy nóser jaýyn: 2 júk kóligi jol jıegine shyǵyp qaldy

QONAEV. KAZINFORM – Almaty oblysynyń Kegen aýdanynda nóser jańbyr jaýyp, jolǵa sý jınalyp qaldy. 

Óńir ákimdiginiń málimetinshe, 16 shilde saǵat 15:58-de Kegen aýdany Aqsaı aýylynyń mańyndaǵy taýly aımaqta nóser jańbyr jaýdy. Aǵyn sýdyń kóptiginen 2 júk kóligi jol jıegine shyǵyp ketti. 

Joldy tazalaý jumystaryna Kegen, Eńbekshiqazaq jáne Uıǵyr aýdandarynyń arnaıy tehnıkalary jumyldyryldy.

«Oqıǵa ornyna TJD 17 qyzmetkeri men 10 tehnıka jedel túrde jumyldyryldy. Saǵat 17:00-de jańbyr toqtap, sý deńgeıi tústi. QazAvtoJol joldy tazartý jumystaryn júrgizip jatyr. Avtokólik qozǵalysy shtattyq rejımde jumys istep tur», - dep habarlady oblystyq ákimdikten. 

Zardap shekkender joq.