Almatydaǵy muz aıdynynda jasóspirim qyzdy qatarlastary uryp tastaǵan

ALMATY. KAZINFORM — Almatyda jasóspirimdi qatarlastary aıamaı uryp-soqqan.

Olardyń áreketi túsirilgen beınejazba áleýmettik jelide tarady. Ondaǵy málimetke sáıkes, oqıǵa Almatynyń Jetisý aýdanyndaǵy Gúlder saıabaǵynda bolǵan. 

Almaty qalasynyń polıtsııa departamenti bul fakti boıynsha tekserý júrgizilip jatqanyn habarlady.

— Bul jaǵdaı boıynsha Jetisý aýdanynyń polıtsııa basqarmasy tekserý júrgizip jatyr. Oqıǵanyń barlyq qatysýshysy anyqtalyp, polıtsııa bólimine jetkizildi. Balalardy tárbıeleý mindetterin tıisinshe oryndamaǵany úshin janjal týyndaǵan eki jasóspirim qyzdyń ata-analary ákimshilik jaýapkershilikke tartyldy. Basqa da mán-jaılary anyqtalyp jatyr, — dep habarlady polıtsııanyń baspasóz qyzmeti.

Eske salaıyq, buǵan deıin Atyraýdaǵy «Shańyraq» balalar aýylynyń júrgizýshisi jasóspirimdi uryp jatqan beınejazbasy taraǵan bolatyn.