Almatydaǵy Meladze kontsertinde tóbeles shyǵarǵan áıel 5 táýlikke qamaldy
ALMATY.KAZINFORM — Almatyda ótken Valerıı Meladze kontsertinde tóbeles shyqty.
Іs-shara barysynda tóbeles shyǵarǵan úsh áıeldi qaýipsizdik qyzmetiniń qyzmetkerleri kontsert ótetin alańnan syrtqa shyǵarǵan. Polıtsııa málimetinshe,
kontsert toqtatylǵan joq jáne shtattyq rejımde jalǵasty.
Tekserý nátıjesinde oqıǵaǵa qatysqan úsh áıel anyqtaldy. Olardyń ekeýi Almaty oblysynyń turǵyndary. Bireýi sot sheshimimen 5 táýlikke ákimshilik qamaqqa alyndy. Ekinshisine qoǵamdyq orynda alkogoldik masań kúıde júrgeni úshin aıyppul salyndy.
Al Taraz qalasynyń turǵynyna qatysty usaq buzaqylyq deregi boıynsha ákimshilik is qozǵaldy. Materıal sotqa joldandy.
Sondaı-aq áleýmettik jelilerde kontserttiń toqtatylǵany týraly aqparat jarııalanǵan edi. Almaty polıtsııasy munyń shyndyqqa saı kelmeıtinin málimdedi. Instagram akkaýntynyń ıesi anyqtalyp, oǵan jalǵan aqparat taratqany úshin ákimshilik aıyppul salyndy.
Polıtsııa qoǵamdyq tártipti buzǵany jáne kórineý jalǵan aqparat taratqany úshin jaýapkershilik kózdelgenin eske salady.
Eske salsaq, BQO-da mektep ishinde tóbelesken oqýshy qyzdar jaýapqa tartyldy.
