Almatydaǵy mektep ashanasynda sanıtarlyq normalar saqtalmaǵan - dırektor jazalandy
ALMATY. KAZINFORM – Almatyda ata-analar №65 mektep-gımnazııasynyń ashanasyndaǵy las jaǵdaıǵa shaǵymdandy.
Áleýmettik jelide ashananyń qazirgi jaǵdaıy kórsetilgen beınejazda jarııalandy. Rolık avtorynyń aıtýynsha, tamaq taratýǵa arnalǵan lıft naǵyz qoqys jınaıtyn orynǵa aınalǵan. Onyń astynda qoqys pen kógergen ydystar jatyr.
Narazylyq bildirgen ata-analar Bostandyq aýdanynyń prokýratýrasyna jáne sanıtarııalyq qyzmetke osy mektepti tamaqpen qamtamasyz etetin jeke kásipkerdiń jumysyn tekserýdi surady
Almaty qalasy Bilim basqarmasy bul jaǵdaı boıynsha jaýap berdi. Onda №65 mektep-gımnazııasynyń dırektoryna mektepishilik baqylaýdyń bolmaǵany úshin QR Eńbek kodeksine sáıkes tártiptik jaza qoldanylǵany habarlandy.
— Bul derek aýdandyq sanıtarlyq-epıdemıologııalyq qyzmettiń nazaryna alyndy, ystyq tamaqpen qamtamasyz etetin kásipkerge qatysty tıisti sharalar qabyldanady, — dep málimdedi basqarmadan.
Eske salaıyq, buǵan deıin Almatyda 127 myń oqýshy tegin tamaqpen qamtylatynyn jazǵanbyz.