Almatydaǵy «Medeý» tabıǵı parkinde jańa týrıstik jol salynady
ALMATY. KAZINFORM — Medeý aýdanynda qoǵamdyq keńistik pen týrıstik ınfraqurylymdy damytatyn birneshe jańa joba júzege asady.
Medeý aýdanynyń ákimi Erkebulan Orazalınniń aıtýynsha, ótken jyly aýdanda «Terreńqur» jobasy sátti júzege asty. Ol búginde qala turǵyndary arasynda tanymal demalys oryndarynyń birine aınalǵan.
— Osy tájirıbeni eskere otyryp, bıyl «Medeý» memlekettik tabıǵı parki aýmaǵyn damytý josparlanyp otyr. Joba aıasynda uzyndyǵy 6 shaqyrym bolatyn jaıaý júrginshiler baǵyty salynyp, demalys aımaqtary men negizgi tartylys núkteleri bar qoǵamdyq keńistikterdi abattandyrylady, — dedi ol.
Sonymen qatar Joldasbekov pen Meńdiqulov kóshesi jańartylmaq. Munda jaıaý júrginshilerdiń aımaǵy abattandyrylyp, jaıly qoǵamdyq keńistikter qurylady. Al Zenkov kóshesiniń Gogol kóshesinen Maqataev kóshesine deıingi 450 metrlik bóliginde dámhanalar men demalys oryndary bar jaıaý júrginshiler aımaǵy paıda bolady.
Eske salaıyq, byltyr Tereńqur-2 saıabaq aımaǵynyń qaıta jańǵyrtý jumystary tolyǵymen oryndaldy.
