Almatydaǵy Logıstıka jáne kólik akademııasy "Qazaqstan temir joly" kompanııasyna qaıtaryldy

Sot joǵary oqý ornynyń aktsııalaryn ulttyq kompanııaǵa qaıtarý boıynsha QTJ talaptarynyń zańdylyǵyn rastady, dep habarlaıdy Kazinform tilshisi.

Joǵary oqý ornynyń bazalyq profılin saqtaý, kadrlar daıarlaý jáne QTJ quzyrettilik ortalyǵyn qurý úshin JOO aktıvterin qaıtarý jumystaryn júrgizdi. Kompanııanyń bul ustanymyn ardagerler de, salanyń qazirgi qyzmetkerleri de qoldaǵan.

"Qazaqstan temir joly" AQ-nyń málimetinshe, 2022 jyly QTJ bas prokýratýraǵa kompanııanyń buryn jekeshelendirilgen aktıvteriniń tizimin usynǵan. Onda negizgi nysandardyń biri «M.Tynyshpaev atyndaǵy Qazaq kólik jáne kommýnıkatsııalar akademııasy» AQ (qazirgi «Logıstıka jáne kólik akademııasy») boldy. 2018 jyly QazKKA aktsııalarynyń 100% paketin «Alimax Group» JShS 10 250 999 999 teńgege satyp aldy.

"Satyp alý-satý shartyna sáıkes satyp alýshy 5 jyl ishinde QazKKA aktsııalarynyń 100% paketine qatysty mámileler (qaıta satý, kepil, basqarýǵa berý jáne basqalar) jasaýǵa quqyǵy joq. Satyp alýshy mámileniń osy sharttaryn buzǵan. ıAǵnı, QazKKA-nyń 100% aktsııalaryn jańa zańdy tulǵaǵa bere otyryp, menshik ıesiniń kompanııasyn (Alimax) qaıta uıymdastyrý júrgizildi. Bul QazKKA-ny QTJ paıdasyna qaıtarý týraly birinshi jáne ekinshi satydaǵy sottardyń sheshim qabyldaýyna negiz boldy", - dep habarlady QTJ - da.

QTJ salada tıimdi jumys isteý úshin qajetti bilimi men daǵdylary bar mamandardy daıarlaý úshin úzdik otandyq jáne álemdik tájirıbelerdi qoldanýdy josparlap otyr.

Aıta keteıik, Logıstıka jáne kólik akademııasy 1931 jyly qurylǵan. Ol temirjol, avtokólik, sý kóligi jáne kommýnıkatsııaǵa qajetti bilikti stýdentterdi daıarlaýda Qazaqstannyń negizgi mamandandyrylǵan joǵary oqý orny bolyp tabylady. Onyń quramyna Almaty, Astana, Aqtóbe, Shymkent, Aqtaý qalalaryndaǵy 5 kolledj kiredi.