Almatydaǵy Qurmanǵazy kóshesinde gastronomııalyq dáliz paıda bolady
ALMATY. KAZINFORM — Almatynyń ortalyǵynda Qurmanǵazy kóshesiniń Abylaı han dańǵylynan Dostyq dańǵylyna deıingi bóligi jańa gastronomııalyq promenadqa aınalady.
Qala ákimdiginiń málimetinshe, jobanyń maqsaty — qala ortalyǵyn kóriktendirip, turǵyndar men qonaqtar úshin jaıly qoǵamdyq keńistik jasaý.
Joba aıasynda kóshedegi turǵyn úılerge biryńǵaı dızaın-kod engizilip, irgeles aýmaqtar kóriktendirilmek, jazǵy terrasalar uıymdastyrylady jáne syrtqy jarnama retke keltiriledi.
Nátıjesinde Qurmanǵazy kóshesi gastronomııalyq baǵyttaǵy tartymdy oryndarǵa toly, júrginshiler úshin yńǵaıly jáne stıldi qala alańyna aınalady.
Eske salaıyq, buǵan deıin Almatyda Tóle bı kóshesin uzartýǵa 13,6 mlrd teńge bólinetinin jazǵan edik.
Al kósheni uzartý jumystaryn 2026 jyly aıaqtalady dep josparlanyp otyr.