Almatydaǵy kisi ólimine qatysty 17 jyldan keıin sot úkimi shyqty
ASTANA. KAZINFORM — Qylmys jasalǵannan keıin 17 jyl ótken soń Almatydaǵy rezonans týdyrǵan kisi ólimine qatysýshyǵa qatysty sot úkimi shyqty. ıÝ. ıÝsýpov uzaq jyldar boıy Qazaqstannan tys jerde jalǵan anketalyq derektermen jasyrynyp júrgen. Ol 15 jylǵa bas bostandyǵynan aıyryldy.
QR Bas prokýratýrasynyń málimetinshe, qylmys 2008 jylǵy 19 mamyrǵa qaraǵan túni Almatynyń ortalyǵynda jasalǵan.
Sot anyqtaǵandaı, ıÝsýpov pen onyń sybaılasy A. Kovalenko qylmystyq orta ókilimen janjaldasyp, keıin jábirlenýshini Fýrmanov kóshesindegi úıdiń mańynda ańdyǵan. Oǵan birneshe ret dáldep oq atylǵan. Sonyń ishinde basynyń jelke tusyna baqylaý retinde oq tıgen. Alǵan jaraqattarynan er adam oqıǵa ornynda qaza tapqan.
— Kisi óltirýden keıin ıÝsýpov Qazaqstannan ketip, halyqaralyq izdeýge jarııalanǵan. Al onyń sybaılasy Kovalenko qylmystyq áreketin jalǵastyrǵan. 2008 jyldyń jazynda Kovalenko Qapshaǵaıdaǵy «Staraıa krepost» demalys aımaǵynda bolǵan qarýly oqıǵadan keıin ustaldy. Oqıǵa barysynda polıtsııa qyzmetkeri qaza taýyp, taǵy tórt adam aýyr jaraqat alǵan. 2009 jyly Kovalenko 23 jylǵa bas bostandyǵynan aıyryldy, — dep habarlady vedomstvo.
Al ıÝsýpovty izdeý jumystary jalǵasty. Qolda bar aqparatqa sáıkes, qylmystyq ortada ol «Kıng-Kong» laqap atymen belgili bolǵan jáne qyrǵyzstandyq belgili qylmystyq avtorıtettiń aınalasyna kirgen. Qyrǵyzstannyń quqyq qorǵaý organdary da ony 2007 jyly Bishkek qalasynda kólik jýý ornynyń ıesin óltirý isine baılanysty izdegen.
Kóp jyl boıy ıÝsýpov Eýropa elderinde ózgertilgen anketalyq derekterdi paıdalanyp jasyrynǵan.
Alaıda 2025 jylǵy tamyzda Lıtva shekarasynan ótý kezinde ol ustaldy. Sol jyldyń qarashasynda Qazaqstan Respýblıkasy Bas prokýratýrasynyń suraýy boıynsha ıÝsýpov Lıtvadan Qazaqstanǵa ekstradıtsııalandy.
— Osy jyldyń shildesinde Almaty qalasynyń qylmystyq ister jónindegi mamandandyrylǵan aýdanaralyq soty ıÝsýpovty adamdar tobynyń aldyn ala sóz baılasýy arqyly jasalǵan kisi óltirýge kómekteskeni úshin kináli dep tanyp, 15 jylǵa bas bostandyǵynan aıyrý jazasyn taǵaıyndady, — delingen habarlamada.
Bas prokýratýranyń málimetinshe, bul ekstradıtsııa halyqaralyq yntymaqtastyq salasyndaǵy jańa tásilder men sheteldik áriptestermen jolǵa qoıylǵan ózara is-qımyldyń nátıjesi bolǵan.
Eske salaıyq, buǵan deıin Astanada tóbeles kezinde adam qaza bolǵan is boıynsha eki adam sottalǵanyn jazǵanbyz.
