Almatydaǵy krematorıı qashan resmı iske qosylady

ASTANA. KAZINFORM – Joǵary aýdıtorlyq palatanyń baspasóz qyzmeti Almatydaǵy krematorıı qashan resmı túrde iske qosylatynyn málim etti.

- Krematorıı jumys isteýin bastaıtyn resmı kún barlyq normatıvtik rásim aıaqtalǵannan keıin jarııalanady, - dep jazady JAP mamandary.

Resmı aqparatta Almaty ákimdigi 2021 jyly salynǵan krematorıdi Joǵary aýdıtorlyq palatanyń nusqamasy boıynsha ózine baǵynysty beıindi uıymynyń balansyna bergeni aıtylǵan.

- Obekt budan buryn júrgizilgen memlekettik aýdıt negizinde berildi. Aýdıt qorytyndysy boıynsha Almaty ákimine balans ustaýshyny belgileý tapsyrylǵan bolatyn, - dep jazylǵan resmı málimette.

JAP mamandarynyń ákimdikke baǵynysy beıindi uıym dep otyrǵany – «Qalalyq patologııalyq-anatomııalyq bıýro» sharýashylyq júrgizý quqyǵyndaǵy kommýnaldyq memlekettik kásiporny. Osyǵan deıin krematorıı qalalyq qurylys basqarmasynyń balansynda bolǵan.