00:28, 08 Qańtar 2026 | GMT +5
Almatydaǵy qoıma órtin 85 qutqarýshy jáne 22 tehnıka sóndirip jatyr
ASTANA. KAZINFORM — Qazir Almaty qalasynyń Tótenshe jaǵdaılar basqarmasy Soltústik aınalym tas jolyndaǵy qoımadaǵy iri órtti sóndirip jatyr, dep habarlaıdy vedomstvonyń baspasóz qyzmeti.
TJD málimetinshe, qoıma ashyq jalynmen janǵany anyqtalǵan.
Órtti sóndirýge 85 qutqarýshy jáne 22 tehnıka jumyldyryldy. Oqıǵa ornynda úsh jaýyngerlik ýchaske uıymdastyryldy, sondaı-aq órt sóndirýge arnaıy avtopoıyzdar qosyldy.
— Qazirgi kezde zardap shekkender týraly aqparat joq. Órtti sóndirý qıynǵa soǵyp jatyr, óıtkeni ǵımarat qurylysy kúrdeli jáne jalyn kólemi joǵary. Órtti sóndirý jumystary áli jalǵasyp jatyr, — delingen habarlamada.
Buǵan deıin Almatyda 12 qabatty úıden órt shyǵyp, 60 adam evakýatsııalanǵanyn jazǵanbyz.