Almatydaǵy kóterme bazarda 9 deldal anyqtaldy
ALMATY. KAZINFORM – Júrgizilgen monıtorıng aıasynda Almaty qalasynyń Saýda jáne tutynýshylardyń quqyqtaryn qorǵaý departamenti bazardaǵy kóterme saýdamen aınalysatyn deldaldardy taldady
Premer-Mınıstr Oljas Bektenov tapsyrmasyna saı áleýmettik mańyzy bar azyq-túlik taýarlaryna baǵanyń negizsiz ósýine jol bermeý jáne memlekettik baqylaýdy qamtamasyz etý, sondaı-aq tıimsiz deldaldardy joıý maqsatynda, bıylǵy jyldyń 25 sáýirinde Saýda jáne tutynýshylardyń quqyǵyn qorǵaý departamenti Almaty qalasynyń Kásipkerlik jáne ınvestıtsııalar basqarmasymen, Memlekettik kirister departamentimen, Ekonomıkalyq tergep-tekserý departamentimen jáne qala aýdandary ákimderiniń apparattarymen birlesip, qalanyń eń iri kóterme bazary «Barys-4»-te kezekti monıtorıng júrgizdi.
Júrgizilgen monıtorıng aıasynda Almaty qalasynyń Saýda jáne tutynýshylardyń quqyqtaryn qorǵaý departamenti bazardaǵy kóterme saýdamen aınalysatyn deldaldardy taldady. Keshendi is-sharalar qorytyndysy boıynsha qazirgi ýaqytta 9 deldal anyqtaldy.
Sonymen qatar, óńirlik komıssııa aıasynda Almaty qalasynyń Memlekettik kirister departamenti kásipkerlik sýbektilerine qatysty hronometrajdyq tekserý júrgizip jatyr.
Budan bólek, departament tarapynan kásipkerler men saýda naryǵynyń ákimshiligine saýda zańnamasynyń talaptaryn túsindirý jáne aqparattyq-túsindirý jumystary júrgizildi.
Ásirese, áleýmettik mańyzy bar azyq-túlik taýarlaryna 15%-dan aspaıtyn saýda ústemesin saqtaý, sondaı-aq taýarlardy naqty rásimdelgen jáne tutynýshylarǵa qoljetimdi túrde ornalastyrylǵan baǵa belgilerimen satý máselelerine erekshe nazar aýdaryldy.
Atalǵan másele turaqty baqylaýda, anyqtalǵan barlyq deldal men kásipkerlik sýbektilerine qatysty materıaldar óńirlik komıssııa otyrysynda qaraýǵa joldandy.
Aıta kektelik Óskemenniń kóterme bazarynda kókónis baǵasyn negizsiz ósirý faktileri anyqtalǵan edi.