03:27, 20 Mamyr 2025 | GMT +5
Almatydaǵy kóshelerdiń biri jaz boıyna jabylady
ALMATY. KAZINFORM — Almatyda Ǵabdýllın, Hamıt Erǵalı jaǵalaýy, Buqar jyraý jelekjoly jáne Baıtursynov kósheleriniń aralyǵynda qubyrjoldy jańǵyrtý jumystary júrip jatyr.
«Almaty jylý júıesi» JShS málimetine sáıkes, qurylys-montajdaý jumystaryn júrgizý kezinde qaýipsizdikti qamtamasyz etý úshin 20 mamyrdan bastap 1 tamyzǵa deıin Rımskıı-Korsakov kóshesinde jáne Ǵabdýllın kóshesiniń bir bóliginde avtokólikter qozǵalysy jabylady.
Jalpy uzaqtyǵy 2,7 km bolatyn jylý trassasy 220-dan astam qala obektilerin jylýmen qamtamasyz etip otyr. Jazǵy kezeńde Bostandyq aýdanynyń turǵyndaryna ystyq sý berý ýaqytsha qubyrjol arqyly qamtamasyz etiledi.
Eske salaıyq, Almaly jáne Bostandyq aýdandarynda 20 mamyr kúni sý ýaqytsha óshiriledi.