Almatydaǵy kóshi-qon júktemesin azaıtýdyń negizgi tásilderi aıqyndaldy
ALMATY. KAZINFORM — QR Eńbek jáne halyqty áleýmettik qorǵaý birinshi vıtse-mınıstri Asqarbek Ertaev Almaty qalasyndaǵy kóshi-qon protsesterin retteý jáne Almaty aglomeratsııasyn teńgerimdi damytý máseleleri boıynsha jumys tobynyń kóshpeli otyrysyn ótkizdi, onda elimizdiń eń iri qalasyndaǵy kóshi-qon júktemesin tómendetýdiń negizgi tásilderi aıqyndaldy. Bul týraly vedomstvonyń baspasóz qyzmeti málim etti.
Sharaǵa Almaty qalasy men Almaty oblysynyń ortalyq memlekettik jáne jergilikti atqarýshy organdarynyń ókilderi qatysty.
— Kezdesý barysynda Almaty qalasy men Almaty oblysyndaǵy kóshi-qon protsesterin retteýdiń ózekti máseleleri jáne Almaty qalasyndaǵy kóshi-qon júktemesin azaıtýǵa kómektesetin aglomeratsııalyq aýmaqtardy damytý perspektıvalary talqylandy, — delingen habarlamada.
Otyrys qorytyndysy boıynsha Almaty qalasy men Almaty aglomeratsııasyn teńgerimdi damytý máselelerin Jol kartasyna engizý boıynsha sharalar kesheni ázirlenip, vedomstvoaralyq ózara is-qımyldyń tásilderi aıqyndaldy.
Buǵan deıin habarlanǵandaı, Almatydaǵy «Manhetten» turǵyn úı kesheninde aýqymdy tekserý júrgizildi.