Almatydaǵy qonaqúılerdiń birinen órt shyqty
ASTANA. KAZINFORM - Búgin 112 pýltine Almaty qalasy Medeý aýdany Bógenbaı batyr kóshesinde ornalasqan qonaq úılerdiń birinde órt bolyp jatqany týraly habarlama kelip tústi, dep habarlaıdy QR Tótenshe jaǵdaılar mınıstrliginiń baspasóz qyzmeti.
Órt sóndirýshiler kelgennen keıin, tútinniń 3 qabatty qonaq úıdiń jertólesinde shyqqanyn anyqtady. Qonaq úı qyzmetkerleri kelýshilerdi úı-jaıdan shyǵaryp úlgerdi. Órt oshaǵyn anyqtaý úshin barlaý júrgizildi.
Qabyldanǵan sharalardyń arqasynda órt tolyq sóndirdi. Órt bolǵan jerde jylytý pýnkti uıymdastyryldy.
Osyǵan deıin Óskemende órtengen úıdiń jertólesinen úsh adamnyń máıiti tabylǵanyn jazdyq.
ShQO Polıtsııa departamenti baspasóz qyzmetiniń málimetine súıensek, qazirgi ýaqytta adam óltirý faktisi boıynsha qylmystyq is qozǵaldy. Kúdikti anyqtalyp, qamaýǵa alyndy.