Almatydaǵy «Kóktóbe» telemunarasynda jaryqtandyrý tehnologııasy qalaı jumys isteıdi

ALMATY. KAZINFORM - «Kók-Tóbe» telemunarasynda basqarylatyn medıa qasbetter ornatylǵan. Mundaı tehnologııa álemdegi kóptegen arhıtektýralyq qurylysta qoldanylady. Bul týraly Almaty qalasy ákimdiginiń baspasóz qyzmeti habarlady.

- Medıa qasbetter ár 30 mınýt saıyn óshiriledi. Osy kezeńde tek projektorlarmen qamtamasyz etilgen fondyq jaryqtandyrý jumys isteıdi. Sonyń arqasynda teledıdar munarasynyń estetıkalyq tartymdylyǵyn saqtalady jáne medıa qasbetterdiń energııa únemdeıdi, - dep túsindirdi ákimdikten.

Aıta ketken jón, osyǵan uqsas tehnologııa Nıý-Iorktegi Empire State Building ǵımaratyn jáne Dýbaıdaǵy Býrdj-Halıfa záýlim ǵımaratyn jaryqtandyrady. 

Almaty telemunarasyn jaryqtandyrý kestesi kelesideı: kún saıyn saǵat 20.00-den 02.00-ge deıin dınamıkalyq jaryqtandyrý jumys isteıdi. Saǵat 02.00-den 05.00-ge deıin tek fondyq rejımde projektorlyq jaryqtandyrý jumys isteıdi. 

Mereke kúnderi saǵat 21.00-den 02.00-ge deıin mýltımedııalyq merekelik beınerolık qosylady.

Eske salaıyq, buǵan deıin «Kóktóbe» telemunarasynyń úsh ólshemdi túrli-tústi modeli paıda bolǵanyn jazǵanbyz. 

Al, bıyl sáýir aıynda telemunaraǵa naızaǵaı túsken bolatyn.