Almatydaǵy Kók bazardy jańǵyrtý jumystary qalaı júrip jatyr
ALMATY. KAZINFORM – Almatynyń eń kórnekti oryndarynyń biri - Kók bazardy jańǵyrtý jumystary qalaı júrip jatqanyn Medeý aýdanynyń ákimi Erkebulan Orazalın aıtyp berdi.
Onyń aıtýynsha, búginge deıin bazardyń ınjenerlik jelileri aýystyrylǵan. Bul jumystarǵa 2 mlrd teńge ınvestıtsııa tartylǵan. Bıyl bazar ákimshiligi saýda ornynyń qasbetin, al kelesi ishki keńistikti jańartýdy josparlap otyr.
Atap aıtqanda, 2025 jyly 5300 m² bazardyń qasbeti jáne 1 avtobýs aıaldamasy jańartylady, 3160 m² aýmaq abattandyrylady, veloparkıng jasalady. Jalpy 2023-2026 jyldary Kók bazardyjańǵyrtýǵa 6,7 mlrd teńge ınvestıtsııa salynady.
- Kók bazarǵa keletin týrısterdiń kóbeıip kele jatqanyn baıqap otyrmyz. Sondyqtan Kók bazar men Pýshkın kóshesin jańǵyrtý jobalaryn biriktirdik, - dedi Erkebulan Orazalın.
Eske salaıyq, 2023 jyly Almatydaǵy Kók bazar jańartylatynyn jazǵanbyz.