Almatydaǵy Qasteev mýzeıi jeltoqsan aıyna deıin ýaqytsha jabylady

ALMATY. KAZINFORM – Bul týraly Ulttyq óner mýzeıi baspasóz qyzmeti habarlady. 

Resmı málimdemege sáıkes, Ábilhan Qasteev atyndaǵy Qazaqstan Respýblıkasynyń Ulttyq óner mýzeıi jóndeý jumystaryna baılanysty jeltoqsan aıyna deıin ýaqytsha jabyq bolady.

– Bul shara sizderge kórsetiletin qyzmet sapasyn arttyryp, mýzeı keńistigin barynsha qolaıly etý maqsatynda júzege asyrylyp jptyr. Árdaıym qoldaý bildirip, túsinistik tanytqandaryńyz úshin alǵys aıtamyz. Keltirilgen qolaısyzdyqtar úshin keshirim suraımyz, - dep túsindirdi mýzeı ákimshiligi. 

Eske salaıyq, bıyl Prezıdent Qasym-Jomart Toqaevtyń Jarlyǵymen elimizdegi eki mýzeıge ulttyq mártebe berildi. Olar: Ábilhan Qasteev atyndaǵy Qazaqstan Respýblıkasynyń memlekettik óner mýzeıi jáne Qazaqstan Respýblıkasynyń memlekettik ortalyq mýzeıi.