Almatydaǵy kásipkerlerdiń tek 42%-y tıisti deklaratsııany tapsyrǵan

ALMATY. KAZINFORM – Almaty qalasy boıynsha Memlekettik kirister departamenti jalpyǵa birdeı deklaratsııalaýdyń III kezeńiniń aralyq qorytyndylarymen bólisti.

Bıyl 1 qańtardan bastap Almatyda jalpyǵa birdeı deklaratsııalaýdyń úshinshi kezeńi bastaldy. Ol zańdy tulǵalardyń basshylary men quryltaıshylaryn (qatysýshylaryn), jeke kásipkerler men olardyń jubaılaryn qamtıdy. Megapolıste bul sanatqa 342,9 myń kiredi. 

Almaty qalasy boıynsha Memlekettik kirister departamentiniń málimetinshe, qazirgi ýaqytta aktıvter men mindettemeler týraly deklaratsııany (250.00-nysan) 145,7 myń kásipker men olardyń jubaılary tapsyrǵan. Bul jalpy qujatty tapsyrýǵa mindettilerdiń – 42,5%-y. Al, kirister men múlik týraly deklaratsııany (270.00-nysan) 168,8 myń tabystady. Bul josparlanǵan 204,5 myń adamnyń – 82,5%-y. 

Aıta ketken jón, 250.00 jáne 270.00 nysandary boıynsha deklaratsııalardy tapsyrý merzimi 2024 jylǵy 15 qyrkúıekte aıaqtalady. Al, 2025 jyldyń 1 qańtarynan bastap jeke qurylymdardyń qyzmetkerlerin, úı sharýasyndaǵy áıelderdi, zeınetkerler men stýdentterdi qamtıtyn tórtinshi kezeń bastalady. Bul sanattarǵa 1,1 mıllıonnan astam adam kiredi. 

Eske salaıyq, belgilengen merzimde deklaratsııalardy usynbaǵany úshin QR ÁQBtK-niń 272-babyna sáıkes ákimshilik jaýapkershilik kózdelgen: birinshi ret – eskertý, al qaıtalǵan jaǵdaıda – 15 AEK mólsherinde aıyppul.