11:00, 20 Naýryz 2025 | GMT +5
Almatydaǵy Qarǵaly ózeniniń arnasy 2026 jylǵa deıin qaıta jóndeledi
ALMATY. KAZINFORM - Naýryzbaı aýdanyndaǵy Qarǵaly ózeniniń jaǵalaýynda kórkeıtý jumystary júredi.

Almaty ákimi Erbolat Dosaev byltyr ózen jaǵalaýynda 3,5 km jaıaý júrginshiler aımaǵy salynǵanyn atap ótti. Bıyl ózen arnasyn jańartý jumystary bastalady.
- Bıyl maýsym aıynda Qarǵaly ózeni arnasyn 6,7 km qashyqtyqta qaıta jańartý jáne kórkeıtý jumystary bastalady. Joba aıasynda 2026 jyldyń maýsymyna deıin ózen arnasynyń beton qabyrǵalaryn qaıta qurý, sý ótkizý qurylystaryn qalpyna keltirý, kógaldandyrý jáne 10 jaıaý júrginshi kópirin salý josparlanǵan, – dedi qala ákimi.
Eske salaıyq, byltyr Erbolat Dosaev Qarǵaly ózeniniń atyn ózgertý týraly usynysqa pikir bildirgen bolatyn.