Almatydaǵy ıppodrom súrilip, ornyna jańa turǵyn úı kesheni salyna ma

ALMATY. KAZINFORM - Almaty ákimi Erbolat Dosaev qalalyq ıppodromnyń ary qaraıǵy taǵdyry jaıynda aıtty.

Qala ákimimen kezdesý kezinde Jetisý aýdanynyń turǵyny qalalyq ıppodromnyń jergilikti mańyzy bar bolǵanmen, tarıhı eskertkishterdiń qataryna kiretinin atap ótti.

«Ippodromdy memlekettiń menshigine qaıtarýǵa bola ma, sebebi, onda halyqtyń meıramdaryn ótkizýge bolady. 6 myń jyl buryn jylqyny qolǵa úıretken nomadtardyń elinde týrısterdi qyz qýý men basqa da ulttyq oıyndarymyzdy kórsete alatyndaı orynnyń bolǵanyn qalaımyn», - dedi qala turǵyny.

Erbolat Dosaev ıppodromdy memlekettik menshigine qaıtarý úshin ony satyp alý kerek ekenin, alaıda, ázirge oǵan qazir múmkindik joq ekenin aıtty.

Almatylyq áıel sondaı-aq menshik ıeleri ıppodromdy súrip, ornyna turǵyn úı kesheniniń salynatyny jaıly surady.

«Joq, biz ony bas josparǵa bekittik, oǵan qaýip tónip turǵan joq», - dedi Almaty ákimi.

Aıta keteıik, bul másele boıynsha taǵy bir qala turǵyny nysan ıeleri ıppodromdy súrip, ornyna turǵyn úı keshenin salmaqshy ekenin jetkizdi.

Eske salaıyq, buǵan deıin Qazaq Jockey Club tóraǵasy Maqsat Ahaev Almatynyń shetinde úlken ıppodromnyń salynatyny jaıly aıtqan bolatyn.