Almatydaǵy «HH26» festıvali tyńdarmandardy álemdik premeramen qýantty
ASTANA. KAZINFORM — Almatyda HH ǵasyr mýzykasy men qazirgi zaman kompozıtorlarynyń shyǵarmashylyǵyna arnalǵan III «HH26» festıvali uıymdastyryldy, dep habarlaıdy Mádenıet jáne aqparat mınıstrliginiń baspasóz qyzmeti.
Dástúrli túrde ótetin festıval baǵdarlamasy álemdik mýzyka óneriniń jaýhar týyndylary men qazirgi kompozıtorlardyń shyǵarmalaryn qamtydy.
Kesh shymyldyǵy T.Ábdirashev atyndaǵy Qazaqstan Respýblıkasynyń Memlekettik akademııalyq sımfonııalyq orkestriniń oryndaýyndaǵy Gýstav Malerdiń № 6 sımfonııasymen ashyldy.
Festıvaldiń ekinshi kúni Klod Debıýssı men Bela Bartoktyń shyǵarmalary oryndaldy. Mýzykalyq kesh barysynda tyńdarmandar «TAU» shyǵarmasynyń (II, III bólimder) álemdik premerasyna kýá boldy. Aıtýly oqıǵa qazaq mýzykasyndaǵy jarqyn sátterdiń birine aınaldy.
«HH26» festıvali — ótken ǵasyrdyń mýzykalyq murasy men búgingi zamannyń jańashyl únin toǵystyratyn biregeı joba. Úsh jyl ishinde festıval elimizdegi akademııalyq mýzyka óneriniń damýyna jańa serpin bergen mádenı alań retinde qalyptasty.
