Almatydaǵy granıt plıtalar men jıektastar daýy - ákimdik túsinikteme berdi

ALMATY. KAZINFORM – Qazirgi ýaqytta Úlken Almaty ózeniniń arnasynda qaıta jańǵyrtý jumystary júrip jatyr.

Buǵan deıin osy qurylys alańynan túngi ýaqytta granıt plıtalardyń qulyptas ázirleıtin tsehke tasymaldanyp jatqany týraly beınejazba jarııalandy.

Almaty ákimdiginiń málimetinshe, beınejazbadaǵy kórsetilgen materıaldar qosalqy merdiger uıym tarapynan ártúrli jıektas úlgilerin kórsetý úshin satyp alynyp, nysanǵa jetkizilgen.

Belgili bir túri tańdalyp, kelisilgennen keıin, qalǵan materıaldar tapsyrys berýshi – Ekologııa jáne qorshaǵan orta basqarmasynyń kelisimimen nysannan shyǵarylǵan.

- Bul jumystar úshin tapsyrys berýshi tarapynan tólem júrgizilgen joq jáne bıýdjet qarajaty jumsalmaǵan. Osylaısha qaıta jańǵyrtylyp jatqan nysan aýmaǵynda zańsyz áreketter jasaldy degen málimet shyndyqqa sáıkes kelmeıdi. Qazirgi ýaqytta merdiger uıym ýákiletti organdarǵa tıisti ótinish berý úshin qujattardy ázirlenip jatyr, - dep habarlady ákimdikten.

Eske salaıyq, Almaty ákimi Bostandyq aýdanyndaǵy Úlken Almaty ózeniniń jaǵalaýynan granıt plıtalardyń urlanýyna qatysty qyzmettik tergeý bastaýdy tapsyrdy.