Almatydaǵy Gorky Tennis Park ortalyǵy Rolan Garrostyń resmı klýby atandy
ALMATY. KAZINFORM — Gorky Tennis Park ortalyǵy álemdegi eń bedeldi tennıs týrnırleriniń biri Roland Garros resmı klýby mártebesin aldy.
Gorky Tennis Park osyndaı ataqqa qol jetkizgen álemdegi úsh klýbtyń biri atandy. Áriptestik Frantsııa tennıs federatsııasy jáne Gorky Tennis Park arasynda resmı kelisimmen bekitildi.
— Biz tarıhı sátke qol jetkizip, Qazaqstan aýmaǵynda úlken brendtiń atynan ókildik etetinimizge óte qýanyshtymyz. Óıtkeni bizdiń basty mindetimiz — elde tennısti kemeline keltire damytý. Endi bizdiń balalarymyz ben tennıs jankúıerleri Rolland Garros atmosferasy, mádenıeti, dástúrlerimen tanysyp, jaqsy jaǵdaıda jattyǵa alady, — dep atap ótti Gorky Tennis Park bas dırektory Ardaq Abıjanov.
Qazaqstan tennıs federatsııasynyń málimetine qaraǵanda, budan bylaı Gorky Tennis Park tórt «Úlken dýlyǵa» týrnıriniń biri — Frantsııa ashyq chempıonatyn uıymdastyrý men ótkizýge baılanysty qurylymnyń bóligine aınalady. Álemdegi eń bedeldi tennıs týrnırleriniń birimen baılanysy arqasynda qazaqstandyq ortalyq Roland Garros resmı klýby retinde álemdik tennıs qaýymdastyǵynda tanyla túsetin bolady.
Áriptestik aıasynda Gorky Tennis Park Ortalyq jáne Batys Azııa elderi úshin Roland Garros Junior Series by Renault irikteý kezeńin ótkizý quqyǵyna ıe boldy. Bozbalalar men qyzdar arasynda jeńimpazdar, sondaı-aq fınalıster Tokıoda bıyl 13-19 qazanda ótetin fınaldyq kezeńge qatysady, onda Azııanyń myqty jasóspirimderi bas qosady.
— Frantsııa tennıs federatsııasy Roland Garros talaptaryna saı keletin topyraq tósenishindegi sapaly korttary bar Gorky Tennis Park klýbymen yntymaqtastyqty maqtan etedi. Qazaqstandaǵy Roland Garros biregeı klýby retinde Gorky Tennis Park aımaqta tennıs úshin jańa standart ornatady. Biz 2024 jyldan klýbtyń Ortalyq jáne Batys Azııa elderi úshin Roland Garros Junior Series by Renault irikteý týrnırin ótkize bastaǵanyna erekshe rızamyz. Bul — topyraq tósenishindegi chempıondardyń jańa býynyn tárbıeleýdegi mańyzdy qadam, — dedi Roland Garros halyqaralyq baǵytynyń basshysy Aımerık Labast.
Azııa tennıs federatsııasynyń prezıdenti ıÝrıı Polskııdiń atap ótkenindeı, Almaty qalasyndaǵy Gorky Park qazaqstandyq tennıs ortalyǵynyń Roland Garros resmı klýby retinde moıyndalǵany — aıryqsha jetistik.
— Bul — Azııa tarıhynda Qytaıdyń Roland Garros Club Hainan klýbynan keıingi ekinshi oqıǵa. Klýbtyń óz jumys deńgeıi men tennıs ınfraqurylymynyń sapasy úshin osynsha joǵary baǵa alǵany qýanyshty. Biz Gorky Tennis Park tek Qazaqstan ǵana emes, Azııadaǵy eń jarqyn jáne tanymal tennıs klýbtarynyń birine aınalaryna senimdimiz, — dedi ıÝrıı Polskıı.
Bul — Qazaqstan tennıs federatsııasynyń kóp jylǵy qoldaýynyń nátıjesi. Federatsııa bapkerlerdi daıyndaýǵa, oıynshylardy qoldaýǵa jáne klýbtyq jumys pen ınfraqurylym talaptaryn kóterýge maqsatty túrde ári únemi qarjy salyp keledi.
Eske sala keteıik, Elena Rybakınanyń Monreal týrnıriniń tórtinshi aınalymyna ótkenin jazǵan bolatynbyz.