Almatydaǵy eń úlken dańǵylda kólik qozǵalysy shekteledi

ALMATY. KAZINFORM – Almatyda Súıinbaı dańǵyly boıynda kólik qozǵalysy eki aıǵa jabylady.

1 shilde men 31 tamyz aralaǵynda Túrksib aýdanyndaǵy Súıinbaı dańǵylynda №375 úıden № 419 úıge deıin kólik qozǵalysy shekteledi.

«1967 jyldan bastap paıdalanýǵa berilgen jalpy uzyndyǵy 506 metrlik qubyrdy aýystyrý kezinde qaýipsizdikti qamtamasyz etý úshin jabylady»,- «Almaty jylý jelileri» JShS.

Atalǵan kóshede batys jaǵynda avtokólik úshin ekijaqty qozǵalys uıymdastyrylady. 

Esterińizge sala keteıik, shahar turǵyndaryna yńǵaıly bolý úshin jol ınfraqurylymyna arnalǵan arnaıy Telegram arnanyń @AlmatyJolybot chat-boty iske qosyldy. Ol arqyly turǵyndar qala joldaryndaǵy shuńqyrlardy jóndeýge ótinish bere alady.

Almatyda bıyl uzyndyǵy 250 km bolatyn 274 kóshe ortasha jóndeýden ótedi, osylaısha 92%-ǵa deıin joldyń úlesin jaqsy jáne qanaǵattanarlyq jaǵdaıda jetkizý josparlanǵan.