19:30, 12 Shilde 2024 | GMT +6
Almatydaǵy eń iri kóshelerdiń biri ishinara jabylady
ALMATY. KAZINFORM – Almaty qalasyndaǵy iri kósheniń biri - Q. Sátbaev kóshesi ishinara jabylady.
«Almaty jylý júıesi» JShS málimetinshe, Bostandyq aýdanynda jylý jelilerine jóndeý jumystaryn júrgizý úshin Sátbaev kóshesiniń boıynda kólik qozǵalysy jabylady.
«13 shilde saǵat 22:00-den 14 shilde saǵat 16:00-ge deıin Sátbaev kóshesiniń boıymen Seıfýllın dańǵylynan Masanshy kóshesine deıin eki baǵytta da kólik qozǵalysy jabylady. Masanshy kóshesinen Baıtursynov kóshesine deıin shyǵys baǵytta kólik qozǵalysy shekteledi»,- delingen habarlamada.
Masanshy kóshesinen bastap Baıtursynov kóshesine deıingi aýmaqta - batys baǵytta qozǵalys ashyq bolady.
Sonymen qatar, júrgizýshilerge jol júrý baǵytyn aldyn ala josparlaýǵa keńes berdi.
