Almatydaǵy elıtalyq klýbta esirtki satý deregi áshkerelendi

ASTANA. KAZINFORM — Almaty qalasy prokýratýrasynyń úılestirýimen Almaty qalasy PD qyzmetkerleri jedel-izdestirý is-sharalary barysynda esirtkiniń zańsyz aınalymyna baılanysty quqyqqa qarsy árekettiń jolyn kesti. 

— Sotqa deıingi tergep-tekserý aıasynda Medeý aýdanyndaǵy elıtalyq túngi klýbtardyń biriniń qyzmetkeri ustaldy. Ol shartty satyp alýshyǵa «gashısh» esirtkisin ótkizgen. Mekemeni tekserý barysynda untaq tárizdi zattardyń izderi jáne aq tústi zaty bar zıp-paket anyqtaldy, — delingen habarlamada.

Kúdikti ýaqytsha ustaý ızolıatoryna qamaldy. Sotqa deıingi tergep-tekserý jalǵasady.

Buǵan deıin habarlanǵandaı, Astanadaǵy Esirtki qylmysy komıtetiniń basshysy Danııar Meıirhan qyzmetinen shettetilgen bolatyn.