Almatydaǵy eki qabatty ǵımaratta qurylys materıaldary órtenip jatyr

ALMATY. KAZINFORM – Almatynyń Túrksib aýdanynda órt sóndirýshiler men qutqarýshylar órt qaýpi boıynsha jumys istep jatyr.

Almaty qalasy Tótenshe jaǵdaılar departamentiniń málimetinshe, búgin saǵat 10:54-te TJD kúshteri men quraldary Túrksib aýdany, Demıan Bednogo kóshesi, 5a mekenjaıyna jiberilgen. Qutqarýshylar 11:02-de kelgennen keıin eki qabatty ǵımaratta qurylys materıaldary janyp jatqanyn anyqtaǵan.

- Órttiń ózge nysandarǵa taralý qaýpi týyndady. Kórshi qurylystardy qorǵaýǵa jáne tilsiz jaýdy joıýǵa órt oqpandary engizildi. Órttiń taralýyn toqtatý úshin tıisti sharalary qabyldanyp jatyr, - dep habarlady departamentten.

Órt 11:45-te oqshaýlandy.

Eske salaıyq, buǵan deıin Almatydaǵy qonaqúılerdiń birinen órt shyqqanyn jazǵanbyz.