Almatydaǵy demalys ornynan «oıyn-saýyqqa arnalǵan gaz» tabyldy

ALMATY. KAZINFORM — Almatyda adamǵa kúshti áser etetin zattardy zańsyz satý deregi anyqtaldy.

Qalalyq polıtsııa departamentiniń málimetinshe, jedel-izdestirý sharalary barysynda oıyn-saýyq mekemesinen azot totyǵy salynǵan metall ballondar tárkilendi. Atalǵan derek boıynsha qylmystyq is qozǵaldy.

— Osyndaı zattardy «oıyn-saýyq» nemese «zııansyz qyzmet» retinde ótkizýge baǵyttalǵan kez kelgen áreket qatań túrde toqtatylady. Kúshti áser etetin zattardyń zańsyz aınalymy azamattardyń ómiri men densaýlyǵyna naqty qaýip tóndiredi jáne qylmystyq jaýapkershilikke ákep soǵady, — dedi Esirtki qylmysyna qarsy is-qımyl basqarmasynyń bastyǵy Murat Jumabaev.

Eske salaıyq, Almatyda tsıfrlyq tólemmen jumys istegen esirtki taratýshylar ustaldy.