Almatydaǵy City Run kezinde aýa sapasy tekserildi: nátıjesi qandaı

ASTANA. KAZINFORM — 15 qarashada Eco Almaty jyljymaly zerthanasy Almatynyń ortalyǵynda ótken City Run júgirý jarysy kezinde aýa sapasyn tekserdi. Іs-sharaǵa 25 elden 2 500 qatysýshy jınaldy.

Almatydaǵy City Run kezinde aýa sapasy tekserildi: nátıjesi qandaı
Foto: Almaty ákimdigi

Almaty ákimdiginiń baspasóz qyzmeti habarlaǵandaı, aýa sapasyna ólsheý jumystary jarys bastalǵanǵa deıin, jarys barysynda jáne odan keıin júrgizildi.

— Tekserilgen barlyq kórsetkish, sonyń ishinde kómirtek totyǵy (CO), azot dıoksıdi (NO₂), shań, kúıe jáne ozon mólsheri shekti ruqsat etilgen normadan aspady, — delingen habarlamada.

Almatydaǵy City Run kezinde aýa sapasy tekserildi: nátıjesi qandaı
Foto: Almaty ákimdigi

Jarys baǵyty 28 sáýirden bastap jumys istep turǵan shyǵaryndylar deńgeıi tómen pılottyq aımaq (LEZ) arqyly ótti. Bul aımaqtyń 2027 jyldan bastap turaqty jumys isteýi týraly sheshim pılottyq jobanyń qorytyndysy boıynsha qabyldanady.

Almatydaǵy City Run kezinde aýa sapasy tekserildi: nátıjesi qandaı
Foto: Almaty ákimdigi

Jarys kezinde 10 shaqyrymdyq baǵyttaǵy kóshelerde avtokólik qozǵalysy ýaqytsha shekteldi. Sonymen qatar, «Birinshi bolý – batyldyq» qory ekologııalyq bastamalardy da damytyp keledi. 2026 jyly jarys barysynda jınalǵan 2,5 tonnadan astam qaldyq qaıta óńdeýge jiberilip, qaıta paıdalanýǵa arnalǵan 4,4 tonna kıim jınaldy.

Osyǵan deıin búgin eldiń ortalyq aýmaǵyndaǵy qalalarda aýa sapasy nasharlaıtynyn jazǵanbyz.