Almatydaǵy Car City avtobólshekter bazaryn tekserý kezinde 39 adam ustaldy

ALMATY. KAZINFORM – Almatyda polıtseıler Áýezov aýdanyndaǵy Car City avtobólshekter bazarynda úlken reıd júrgizdi, dep habarlaıdy Kazinform.

Reıd barysynda rettelmegen saýda, azamattardyń mazasyn alý, jumys oryndarynda jáne tehnıkalyq qyzmet kórsetý stansalary aýmaǵynda temeki shegý, ruqsat etilmegen oryndarda qoqys pen avtobólshekterdi saqtaý faktileri anyqtaldy. Sondaı-aq alkogoldi ishimdikterdi ishý, usaq buzaqylyq faktileriniń joly kesildi. 

38 adam jaýapkershilikke tartyldy. Polıtsııa bólimine 39 adam jetkizildi, onyń ishinde tórt shetel azamaty, sondaı-aq ata-anasynyń ruqsatynsyz jumys istegen kámeletke tolmaǵandar bar. 

Ruqsat etilmegen jerde kólik toqtatqan 27 júrgizýshi jaýapkershilikke tartyldy, 9 kólik arnaıy turaqqa kirgizildi.

Qalalyq polıtsııa departamenti qaýipsizdikti qamtamasyz etý úshin adam kóp shoǵyrlanatyn oryndarda mundaı reıdter turaqty túrde júrgiziletinin atap ótti. 

Buǵan deıin Almatydaǵy «baraholka» boıyndaǵy jabaıy saýdaǵa baqylaý kúsheıtiletinin jazǵan bolatynbyz.