Almatydaǵy BRT qurylysy: jóndeý jumystary qaı ýchaskelerdi qamtıdy

ALMATY. KAZINFORM – Almatydaǵy Raıymbek batyr dańǵylynda jóndeý jumystary jalǵasyp jatyr.

Ákimdiktiń málimetinshe, qazir jumystar myna ýchaskelerdi qamtıdy:

– Raıymbek dańǵyly, 348/1-den 451A-ǵa deıin (Áýezov aýdany);

– Rozybaqıev kóshesiniń kópirinen Brıýsov kóshesine deıin (alleıa men soltústik jaǵy);

– Rozybaqıev kópirinen Turǵyt Ozal kóshesine deıin, Brýsılovskııden Tilendıevke deıin:

– Baızaqov kóshesinen Galıleıge deıin;

– Raıymbek dańǵyly, 193-ten Tóretaı kóshesine deıin (soltústik jaǵy);

– Raıymbek dańǵyly, 172-den 174/2-ge deıin (ońtústik jaǵy);

– Panfılov kóshesinen Abylaı han, Chaıkovskıı jáne Jeltoqsan kóshesiniń aralyǵy.

Ákimdikten atap ótkendeı, atalǵan aýmaqtarda eski asfalt jabyndysyn alý, trotýar plıtkalary men jıektastardy ornatý, jaıaý júrginshiler men velojolaqtar salý jáne kógaldandyrý jumystary júrgiziledi.

– Jumystyń maqsaty – balalar men múmkindigi shekteýli jandardy qosqanda, barlyq turǵynǵa qoljetimdi, zamanaýı jáne jaıly qoǵamdyq keńistikter jasaý, jaıaý júrginshilerge basymdyq berý, – delingen habarlamada.

Ýaqytsha shekteýler bolýy múmkin, sondyqtan qala turǵyndary men qonaqtaryna baǵytty aldyn ala josparlaý usynyldy.

Osyǵan deıin BRT qurylysy kezinde búlingen jıekter ǵana aýystyrylatyny týraly jazǵanbyz.

Eske salaıyq, Raıymbek dańǵylynda BRT qurylysy sáýir aıynda bastalǵan bolatyn.

BRT jelisiniń jalpy uzyndyǵy — 17 shaqyrym. Onyń 9 shaqyrymyn Pýshkın men Ahrımenko kósheleriniń aralyǵynda salý josparlanǵan. Joba aıasynda avtobýstarǵa arnaıy jolaqtar salynyp, jańa aıaldama keshenderi ornatylady.