Almatydaǵy BRT qurylysy: Jeltoqsan kóshesiniń bir bóligi jabylady
ALMATY. KAZINFORM — Almatydaǵy Jeltoqsan kóshesindegi josparly jóndeý jumystaryna baılanysty kólik qozǵalysyna ýaqytsha shekteý engiziledi.
— 3 shilde kúni saǵat 08:00-den 22:00-ge Gogol kóshesinen Raıymbek batyr dańǵylyna deıingi jolda kólik qozǵalysy ýaqytsha toqtatylady. Bul aýmaqty Naýryzbaı batyr kóshesi men Abylaı han dańǵyly arqyly aınalyp ótýge bolady. Jóndeletin ýchaskede eskertý belgileri, merdiger uıym basshysynyń baılanys nómiri jazylǵan taqta qoıylady,— dep habarlady ákimdikten.
Osyǵan deıin BRT qurylysy kezinde búlingen jıekter ǵana aýystyrylatyny týraly jazǵanbyz.
Eske salaıyq, Raıymbek dańǵylynda BRT qurylysy sáýir aıynda bastalǵan bolatyn.
BRT jelisiniń jalpy uzyndyǵy — 17 shaqyrym. Onyń 9 shaqyrymyn Pýshkın men Ahrımenko kósheleriniń aralyǵynda salý josparlanǵan. Joba aıasynda avtobýstarǵa arnaıy jolaqtar salynyp, jańa aıaldama keshenderi ornatylady.