Almatydaǵy BRT qurylysy: keı ýchaskelerde qozǵalys ishinara shektelýi múmkin

ALMATY. KAZINFORM – Almatydaǵy Raıymbek batyr dańǵylynda jóndeý jumystary jalǵasyp jatyr.

Ákimdiktiń málimetinshe, qazir jumystar myna ýchaskelerdi qamtıdy:

• Raıymbek, 348/1 — 451A (Áýezov aýdany). «Aspara» jáne «Zeinet» bıznes ortalyǵy mańynda turaq asfaltyn qyryp, plıtka tóseý jumystary júrgiziledi.
• Rozybaqıev kóshesindegi kópirden Brıýsov kóshesine deıin (alleıa boıymen) jáne Krylov kóshesinen Brıýsov kóshesine deıin (soltústik jaǵy).Trotýar negizin daıyndaý jáne kespe tas tóseý;
• Rozybakıev kópirinen Turǵyt Ozal kóshesine deıin / Brýsılovskııden Tlendıevke deıin (ońtústik jaǵy) Jıektas jáne kógaldandyrý jumystary;
• Baızaqov kóshesinen Galıleı kóshesine deıin / Raıymbek, 206/2–206. Jıektas, aryq ornatý jáne kespe tas tóseý;
• Raıymbek, 172 — Raıymbek, 176 (ońtústik jaǵy).Trotýar jıektasy men plıtka tóseý jumystary;
• Raıymbek pen Seıfýllın kósheleriniń qıylysy (Abdi men ZETA aralyǵy).Aryqtardy, trotýarlardy jáne jıektastardy jóndeý;
• Panfılovtan Abylaı hanǵa deıin jáne Chaıkovskııden Jeltoqsan dańǵylyna deıin (ońtústik jaǵy). Asfalt qabatyn qyrý, jıektastardy alyp tastaý, avtobýs jolaǵyn daıyndaý.
  Atalǵan ýchaskelerde qozǵalys ishinara shektelýi múmkin, sondyqtan qala turǵyndary men qonaqtaryna baǵytty aldyn ala josparlaý usynyldy.

Osyǵan deıin BRT qurylysy kezinde búlingen jıekter ǵana aýystyrylatyny týraly jazǵanbyz. 

Eske salaıyq, Raıymbek dańǵylynda BRT qurylysy sáýir aıynda bastalǵan bolatyn.

BRT jelisiniń jalpy uzyndyǵy — 17 shaqyrym. Onyń 9 shaqyrymyn Pýshkın men Ahrımenko kósheleriniń aralyǵynda salý josparlanǵan. Joba aıasynda avtobýstarǵa arnaıy jolaqtar salynyp, jańa aıaldama keshenderi ornatylady.