Almatydaǵy birqatar iri saýda jelisi baǵany negizsiz ósirgeni úshin jaýapqa tartyldy
ASTANA. KAZINFORM - Jalpy Almaty qalasy boıynsha saýda jáne tutynýshylardyń quqyǵyn qorǵaý departamenti áleýmettik mańyzy bar taýarlarǵa saýda ústemesin arttyrǵan kásipkerlerge 32 mln teńgeden astam aıyppul saldy, dep habarlaıdy QR Saýda jáne ıntegratsııa mınıstrliginiń baspasóz qyzmeti.
Baspasóz qyzmetiniń málimetterine qaraǵanda, Almaty qalasy boıynsha Saýda jáne tutýshylardyń quqyǵyn qorǵaý departamenti jyl basynan beri «Ákimshilik quqyq buzýshylyq týraly» Kodeksiniń 204-4-babyna sáıkes, Small, JLC, Galmart, Toimart, My Mart saýda jelisi, A-stor, Bekker, sýpermarket Carefood, «Food Beverage Trading» JShS, «Airba Fresh» JShS, «Good Luck Trade» JShS, «Mix Market Trade» JShS jáne basqa da kásipkerlik sýbektilerine qatysty jospardan tys tekserý júrgizip, 420-dan astam kásipkerlik sýbektisi ákimshilik jaýapkershilikke tartyldy.
Máselen QR ÁQBtK 204-4-babynyń 2-bóligine sáıkes «Metro» iri saýda jelisi áleýmettik mańyzy bar azyq-túlik taýarlaryna 15% saýda ústemesin asyrǵany úshin ákimshilik jaýapkershilikke tartyldy. «Metro Kesh end Kerrı» JShS Departament shyǵarǵan ákimshilik sheshimge barlyq sot ınstantsııalarynda, sonyń ishinde kassatsııalyq tártippen shaǵymdandy, biraq nátıje bolmady, óıtkeni Departamenttiń áreketteri zańdy.
Aıta ketý kerek, «Metro» saýda jelisi belgilengen saýda ústemesi úshin ákimshilik jaýapkershilikke birinshi ret tartylyp otyrǵan joq. Buǵan deıin 2024 jyly «Metro Kesh end Kerrı» JShS saýda ústemesi úshin ákimshilik jaýapkershilikke tartylǵan bolatyn, sondaı-aq, Departamenttiń ákimshilik sheshimine sot tártibimen shaǵymdandy, nátıjesinde kásipkerlik sýbektisine talaptardy qanaǵattandyrýdan, onyń ishinde Qazaqstan Respýblıkasynyń Joǵarǵy sotymen bas tartyldy.
Sondaı-aq, Almaty qalasynyń «Small» jáne «Toimart» sııaqty iri saýda jelileri saýda ústemesiniń 15% asqany úshin ákimshilik jaýapkershilikke tartyldy.
Odan bólek Departament memlekettik baqylaý fýnktsııalaryn iske asyrý boıynsha keshendi is-sharalardy ótkizgen kezde, SMALL saýda jelisin sot QR ÁQBtK-niń 462-baby boıynsha, memlekettik baqylaý fýnktsııalaryn oryndaýy kezinde Departamenttiń laýazymdy tulǵalaryna kedergi keltirgeni úshin, ákimshilik jaýapkershilikke tartty.
-Qazirgi ýaqytta úı janyndaǵy dúkenderde áleýmettik mańyzy bar azyq-túlik taýarlaryn satatyn josyqsyz kásipkerlerdi ákimshilik jaýapkershilikke tartý boıynsha keshendi jumys júrgizilip jatyr,-delingen habarlamada.
Osyǵan deıin QR Saýda jáne ıntegratsııa mınıstrliginiń saýda jelilerine talapty kúsheıtkeni týraly jazdyq.