Almatydaǵy bir kóshede qozǵalys ýaqytsha shekteledi
ALMATY. KAZINFORM — Rysqulbekov kóshesiniń bir bóliginde ortasha jóndeý jumystary júrgiziledi. Osyǵan baılanysty kólik qozǵalysyna ýaqytsha shekteý engiziledi.
Almaty ákimdiginiń málimetinshe, 13 mamyr saǵat 08:00–den 14 mamyr saǵat 23:00–ge deıin Saın kóshesinen Mustafın kóshesine deıingi aralyqta qozǵalys tolyq jabylady.
— Jóndeý júrgiziletin aýmaqta eskertý belgileri men merdiger uıym basshysynyń baılanys deregi kórsetilgen aqparattyq taqta ornatylady, — delingen habarlamada.
Qala bıligi turǵyndardan baǵytyn aldyn ala josparlaýdy eskertti.
Eske salaıyq, buǵan deıin Almatydaǵy Jetisý kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engizilgenin habarlaǵanbyz.
