Almatydaǵy bir aýmaqta ornalasqan oıyn-saýyq oryndaryna 167 ret shaǵym túsken
ALMATY. KAZINFORM — Almatydaǵy Nazarbaev dańǵylynyń 120 jáne 124-úılerinde ornalasqan 11 oıyn-saýyq ornyna baılanysty jyl basynan beri polıtsııaǵa 167 ret shaqyrtý túsken.
Almatydaǵy bir kóshede qaz-qatar ornalasqan túngi klýbtar men barlardyń qoǵamdyq tártip pen tynyshtyqty buzýyna baılanysty 257 ákimshilik hattama toltyryldy. Nysan basshylaryna quqyq buzýshylyqtarǵa ákep soǵatyn sebepter men jaǵdaılardy joıý týraly usynystar joldandy.
Qajetti sharalardy qabyldamaǵany úshin Ákimshilik quqyq buzýshylyq týraly kodekstiń 479-baby «Quqyq buzýshylyq jasaýǵa yqpal etken sebepter men jaǵdaılardy joıý jóninde qabyldanǵan sharalardy qabyldamaý» boıynsha taǵy 11 hattama toltyryldy.
Almaty polıtsııa departamentiniń Qoǵamdyq qaýipsizdik basqarmasynyń bastyǵy Tımýr Noǵaıbaev atalǵan aımaq erekshe baqylaýda ekenin atap ótti.
— Biz tek jasalǵan quqyq buzýshylyqtarǵa emes, tynyshtyq pen qoǵamdyq tártiptiń buzylýyna qatysty turǵyndardyń shaǵymdaryna da jedel den qoıamyz. Oıyn-saýyq ornyn ashyp, jumysyn uıymdastyrý onyń mańyndaǵy qaýipsizdik pen tártipke de jaýapkershilik júkteıtinin nysan ıeleri men basshylary túsinýi qajet. Bizdiń mindetimiz — jaqyn mańdaǵy úılerde turatyn azamattardyń qaýipsizdigi men jaılylyǵyn qamtamasyz etý, — dedi Tımýr Noǵaıbaev.
Eske salaıyq, Almatydaǵy demalys ornynan «oıyn-saýyqqa arnalǵan gaz» tabylǵan edi.
