Almatydaǵy botanıkalyq baqta sırek kezdesetin ósimdik gúldedi
ALMATY. KAZINFORM – Almatydaǵy botanıkalyq baqtyń «Alpınarıı» jabyq ýchaskesinde Qyzyl kitapqa engen taǵy bir sırek kezdesetin ósimdik gúldedi. Bul – aqshyl sepkilgúl.
Aqshyl sepkilgúl – lalagúlder tuqymdasynyń sepkilgúl týysyna jatatyn kóp jyldyq shóptesin ósimdik. Mamyr-maýsym aılarynda gúldep, shildede jemis beredi.
Botanıkalyq baqtyń baspasóz qyzmetiniń málimetinshe, aqshyl sepkilgúl Jońǵar Alataý men Tarbaǵataı taýlarynda taralǵan.
«Aqshyl sepkilgúldiń bıiktigi 15-80 sm. Butaqsyz sabaǵyna japyraqtar kezektesip nemese qarama-qarsy ornalasady. Tómengi japyraqtary lantset tárizdi, al joǵarǵy japyraqtary shoǵyrlanyp keledi. Іri gúli qońyraý tárizdi, dara nemese 2- 6 gúli bar ıilgen shashaq gúl shoǵyryna birigedi. Gúl kúltesi sarǵysh ne aqshyl jasyl, al onyń ishki jaǵynda qońyr-kyzyl tústi daqtary bar», - dep atap ótti baqtyń baspasóz qyzmeti.
Aqshyl sepkilgúl qytaı, tıbet jáne koreı dástúrli medıtsınasynda qoldanylady.
