Almatydaǵy Bostandyq aýdanynyń kóshelerin jóndeýge 3 mlrd teńge bólindi

ALMATY. KAZINFORM – Bostandyq aýdanynda jol-kólik ınfraqurylymyn damytý jumystary júrip jatyr. 

Bostandyq aýdanynyń ákimi Sanjar Álınniń aıýtynsha, byltyr aýdanda 1,3 mlrd teńgege 30,5 shaqyrym jolǵa (33 kóshe) ortasha jóndeý jumysy júrgizilgen. Al bıyl 19 kósheniń 27,5 km jol jamylǵysyn jańartý josparlanǵan. Bul maqsatqa 3 mlrd teńge bólingen. Ortasha jóndeýden bólek, osy jyly ádepki jol jóndeý jumystary da qatar júrgizilip, 30 myń sharshy metr asfalt jamylǵysy qalpyna keltirildi. Oǵan 500 mln teńge jumsaldy. 

– Jyl sońyna deıin qosymsha 10 myń sharshy metr asfalt jabynyn jóndeý josparlanyp otyr, oǵan qosymsha 150 mln teńge bólindi, - dedi aýdan ákimi. 

Bostandyq aýdanynyń ákimdiginiń málimetinshe, 2025 jyly Ótepov, Ábish Kekilbaıuly, Naýryzbaı batyr, Tilendıev, Sadyqov, Mustafın, Rozybaqıev, Radostovets, Shashkın, Toraıǵyrov, Buqar Jyraý men Pomerantsev kóshelerin qosa alǵanda, 12 kóshe tehnıkalyq trotýarmen qamtamasyz etildi. Atqarylǵan jumystarǵa 308 mln teńge jumsalǵan. 

– Bıyl tamyz aıynan bastap 10 jaıaý júrginshiler ótkelinde – bes jerústi jáne bes jerasty ótkelinde lıftiler men kótergishterdi kúrdeli jóndeý jáne jańǵyrtý jumystary bastalady. Bular erekshe qajettiligi bar azamattarǵa jaıly ári qoljetimdi qalalyq orta qalyptastyrýǵa baǵyttalǵan. Barlyq jumys 2026 jyldyń sońyna deıin aıaqtalady, - dedi Sanjar Álın. 

Eske salaıyq, buǵan deıin Almatyda qanshalyqty avtoturaq baǵasy qymbattaýy múmkin ekenin jazǵanbyz.