Almatydaǵy boks keshinde óner kórsetetin boksshylar salmaq ólshedi

ALMATY. KAZINFORM – Erteń Almatyda belgili boksshy Qanat Islamnyń uıymdastyrýymen «Jibek joly» kásipqoı boks keshi ótedi. Búgin sol keshte sharshy alańǵa shyǵatyn sportshylar salmaq ólsheý rásimine qatysyp, qarsylasymen kóz túıistirdi. 

Balýan Sholaq atyndaǵy sport saraıynda ótetin boks keshinde Rýslan Myrsataev, Beksultan Raýshanov, Saparbaı Aıdarov, Asqar Erýbek, Nursultan Amanjolov, Ashat Qýanyshbekuly, Dáýlet Dáýkenov Qazaqstannyń atynan sharshy alańǵa shyǵady.

«Erteń 12 qazaqstandyq bylǵary qolǵap sheberi 7 memleketten kelgen kúrzi judyryq ıelerimen rıng tórinde kim myqtyny anyqtaıdy. Bizdiń jigitter aldaǵy aıqasqam tas-túıin daıyn. Buıyrsa, eki tıtýl sarapqa salynady. Olar - WBC Middle East Heavyweight Title jáne UBO Asia Welterweight chempıondyq beldikteri», - dedi Qanat Islam. 

Aıta keteıik, «Jibek joly» kásibı boks keshi keshki saǵat 18: 00-de bastalady.