Almatydaǵy Baým toǵaıynda belgisiz adamdar aǵashtardy zańsyz kesken

ALMATY. KAZINFORM – Almatydaǵy Baým toǵaıynda aǵashtardy zańsyz kesý deregi anyqtaldy.

Qalalyq ekologııa jáne qorshaǵan orta basqarmasyna qarasty «Medeý» memlekettik óńirlik tabıǵı parkiniń málimetinshe, 25 qazannan 26 qazanǵa qaraǵan túni beıtanys adamdar úshkir japyraqty úıeńki men aq qaraǵan aǵashtaryn zańsyz kesken.

Sondaı-aq olardyń negizinen maıda japyraqty qaraǵash tuqymdasyna jatatyn 11 aǵashtyń kesýge daıyndalǵany anyqtalǵan.

– Oqıǵa ornynan eki qol ara men bir benzın ara tabyldy, - delingen habarlamada.

Basqarma ókilderiniń aıtýynsha, 24 qazanda mundaı quqyqbuzýshylyqtar tirkelmegen.

Qazirgi ýaqytta kezekshi ınspektor tabıǵat qorǵaý polıtsııasyna tıisti aryz joldaǵan.

Eske salaıyq, buǵan deıin Baým toǵaıynda abattandyrý jumystary aıasynda birde-bir aǵash kesilmeıtinin habarlaǵanbyz.

Qazir toǵaıda 104 429 aǵash jáne 5 081 buta bar.