Almatyda basqarma basshysynyń orynbasary 21 mln teńge para alǵan

ASTANA. KAZINFORM – Almaty qalasy boıynsha Sybaılas jemqorlyqqa qarsy qyzmet «Almaty qalasynyń kommýnaldyq ınfraqurylymdy damytý basqarmasy» KMM basshysynyń orynbasaryna qatysty sotqa deıingi tergeý júrgizýde.

«Sheneýnik alaıaqtyq jasaý boıynsha kúdikke ilindi. Aldaý arqyly ol aýla aýmaqtaryn kútip ustaý, jınaý jáne QTQ shyǵarý qyzmetterin kórsetý sharttaryn jasasý syltaýymen 21 mln teńge kóleminde jergilikti kásipkerdiń aqshalaı qarajatyn ıemdengen», — dep jazdy Antıkordan.

Kúdikti úı qamaǵyna alyndy.

Tergeý jalǵasýda.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.