Almatydaǵy «baraholka» mańynda zańsyz saýda tyıylmaı tur
ALMATY. KAZINFORM – Almatyda jyl basynan beri memlekettik jáne jekemenshik aýmaqtardaǵy nysandarǵa monıtorıng júrgizildi. Zańsyz saýda oryndarynyń jartysynan astamy jabyldy.
Baqylaý qorytyndysy boıynsha zańsyz saýdanyń 45 núktesi anyqtalyp, onda 1 211 adam saýdamen aınalysqany belgili boldy. Bul týraly Almaty ákimdigindegi zańsyz kóshe saýdasyn joıý jáne statsıonarlyq emes saýda nysandaryn ornalastyrýdy retke keltirý máselesi boıynsha keńeste aıtyldy.
– Búginde olardyń 27-si nemese 60%-y qyzmetin toqtatty. Qalǵan núkteler negizinen iri bazarlar mańynda, sonyń ishinde Alataý jáne Jetisý aýdandaryndaǵy «baraholka» aýmaǵynda ornalasqan, - delingen habarlamada.
Sondaı-aq keńeste reıdtik is-sharalardyń ýaqytsha nátıje beretini, problemalyq aýmaqtarǵa turaqty baqylaýdy kúsheıtý jáne árbir ýchaskeni jaýapty qurylymdarǵa bekitý qajettigi aıtyldy.
Memlekettik jer qoryndaǵy 516 saýda nysanynyń 413-i buzyldy. Qazirgi ýaqytta 103 nysan boıynsha jumys jalǵasyp jatyr.
Keńeste áleýmettik jaǵdaıǵa baılanysty ornalastyrylǵan nysandar men statsıonarlyq emes saýda nysandary mártebesin kommertsııalyq maqsatta paıdalanatyn jaǵdaılardy naqty ajyratý qajettigine erekshe nazar aýdaryldy. Talaptardy buza otyryp ornalastyrylǵan jáne turǵyndarǵa qolaısyzdyq týdyratyn nysandar zańnama talaptaryna sáıkestendirilýge tıis.
Sonymen qatar jeke aýmaqtardaǵy jaǵdaı qaraldy. Jalpy 1 093 nysanǵa monıtorıng júrgizildi. Bul baǵytta jer ýchaskeleriniń nysanaly maqsatynyń saqtalýyn jáne qala qurylysy talaptarynyń oryndalýyn tekserýdi qosa alǵanda, zańnamada kózdelgen rásimderdi júrgizý qajet.
Keńes barysynda zańsyz nysandarǵa qatysty áreket etý merzimin qysqartý, olardy qaıta ornalastyrǵany úshin jaýapkershilikti kúsheıtý jáne ýákiletti organdardyń buzý jumysyn júrgizý ókiletin keńeıtý maqsatynda zańnamany jetildirý máselesi de kóterildi.
Eske salaıyq, buǵan deıin Almaty vokzalynda jolaýshylardyń mazasyn alǵan saýdagerler jazalanǵanyn habarlaǵan edik.
