Almatydaǵy balalar úıinen ketip qalǵan qyzdar aman-esen tabyldy

ALMATY. KAZINFORM – Polıtsııa qyzmetkerleri mekemeden óz betimen ketken balalardy tapty.

Almaty qalasy pollıtsııa departamentiniń málimetinshe, «Baǵanashyldaǵy» balalar úıinen ketip qalǵan 14 jáne 16 jastaǵy tárbıelenýshilerdi krımınaldyq polıtsııa qyzmetkerleri tapqan.

— Jedel-izdestirý sharalary barysynda qyzdar Almaty oblysy aýmaǵynda anyqtaldy. Qazirgi ýaqytta ekeýi de jaǵdaıdyń barlyq mán-jaıyn anyqtaý úshin Bostandyq aýdandyq polıtsııa basqarmasyna jetkizildi. Kámeletke tolmaǵandardyń qaýipsizdigin qamtamasyz etý — polıtsııa jumysynyń basty baǵyttarynyń biri bolyp qala beredi, — dep habarlady departamentten.

Eske salaıyq, buǵan deıin Almatyda balalar úıinen ketip qalǵan eki qyz izdestirilip jatqanyn jazǵanbyz.