Almatydaǵy balalar úıi Qonaev qalasyna kóshiriledi

QONAEV. KAZINFORM – Almaty oblysynyń №1 balalar úıiniń tárbıelenýshileri ǵımarattyń Almatydan Qonaevqa kóshiriletinine narazy.

Алматыдағы балалар үйі Қонаев қаласына көшіріледі
Фото: Алматы облысы әкімдігі

Osyǵan baılanysty, balalar úıiniń tárbıelenýshileri áleýmettik jeli arqyly vıdeoúndeý jarııalady. 

– Balalar úıin kóshirgisi keledi, aǵashtarymyzdy kesip, aýmaqty qıratyp jatyr. Bul jerde ómir súrý múmkin emes bolyp barady. Bizdi Qonaevqa kóshirgisi keledi. Biz bul jerdi tastap ketkimiz kelmeıdi. Ótinip suraımyn, kómektesińizdershi, - delingen vıdeoúndeýde.

Almatydaǵy balalar úıi Qonaev qalasyna kóshiriledi
Foto: Almaty oblysy ákimdigi

Atalǵan jaǵdaıǵa qatysty Almaty oblysynyń bilim basqarmasy málimdeme jasady.

Almatydaǵy balalar úıi Qonaev qalasyna kóshiriledi
Foto: Almaty oblysy ákimdigi

Aıtýlarynsha, 3 naýryzda Almaty oblystyq №1 balalar úıiniń tárbıelenýshileri Qonaev qalasyna baryp, Almaty oblysynyń ákimimen kezdesip, jańa ǵımarattyń qurylysymen tanysady.

– Balalar úıi men onyń tárbıelenýshilerine qatysty barlyq másele bizdiń baqylaýymyzda. Jańa ǵımaratty qajetti jabdyqtarmen, kólikpen jáne mektep quraldarymen qamtamasyz etý ǵana emes, balalardyń qaýipsizdigin saqtaı otyryp, qolaıly jaǵdaı jasaý da mańyzdy, — dedi Almaty oblystyq bilim basqarmasynyń basshysy Saltanat Bespaeva.

Sondaı-aq, basqarma áleýmettik jelilerde taraǵan jer ýchaskesiniń affılıırlengen tulǵalarǵa satylýy týraly qaýesetterdi joqqa shyǵardy.

Almatydaǵy balalar úıi Qonaev qalasyna kóshiriledi
Foto: Almaty oblysy ákimdigi
Almatydaǵy balalar úıi Qonaev qalasyna kóshiriledi
Foto: Almaty oblysy ákimdigi

Jańa keshen 240 orynǵa eseptelgen jáne aýmaǵy 4000 sharshy metr. Qurylys 1963 jyly salynǵan eski ǵımarattyń apatty jaǵdaıyna baılanysty júrgizilip jatyr. Jańa mekeme quramynda kámeletke tolmaǵandardy beıimdeý ortalyǵy da jumys isteıdi. Ǵımarat 900 oryndyq mekteptiń janynda ornalasady. Balalardyń qatynaýy úshin 14 oryndyq avtobýs bólindi. Almatyǵa deıingi qashyqtyq – 65 shaqyrym.

Budan bólek, tárbıelenýshiler 21 naýryzda Qonaev qalasynda ótetin Naýryz meıramyna shaqyryldy.

Eske salaıyq, osyǵan deıin Almaty zoobaǵy Alataý qalasynyń aýmaǵyna kóshiriletini jaıly aqparat paıda bolǵan edi

Сейчас читают