Almatydaǵy Ázerbaıjan-Armenııa kelissóziniń qashan ótetini belgili boldy

ASTANA. KAZINFORM – QR Syrtqy ister mınıstrliginiń resmı ókili Aıbek Smadııarov Ázerbaıjan men Armenııa arasyndaǵy kelissózderdiń qaı kúni ótetinin málimdedi.

«Buǵan deıin qol jetken ýaǵdalastyqqa sáıkes, Ázerbaıjan men Armenııanyń syrtqy ister vedomstvolarynyń basshylary arasyndaǵy kelissóz Almaty qalasynda 10 mamyrda ótedi», - dedi A. Smadııarov mınıstrliktegi aptalyq brıfıngte. 

Buǵan deıin Qazaqstan Ázerbaıjan men Armenııaǵa kelissóz alańyn usynǵany habarlanǵan edi. 

Prezıdent Qasym-Jomart Toqaev Bakýǵa da, Erevanǵa da jaqynda jasaǵan saparynda osy elder arasynda berik, uzaqmerzimdi beıbitshilikti tez arada ornatýdyń mańyzyn atap ótken. 

Sondaı-aq, Qazaqstannyń kelissóz ótkizý úshin alań usyný arqyly járdem kórsetýge daıyn ekenin málimdedi.

«Aldaǵy kelissóz tek qana eki tarap arasynda júrgiziledi. Astananyń deldaldyǵy týraly sóz joq ekenin atap ótkim keledi. Biz tek qana «Good office» dep atalatyn izgi nıet qyzmetin kórsetemiz», - dedi mınıstrlik ókili.