Almatydaǵy avtobýstyń apatqa ushyraýyna «5:32» serıalynyń prodıýseri sebepker bolǵan

ALMATY. KAZINFORM – Almatyda Maqataev pen Masanshy kósheleriniń qıylysynda adam ólimine ákelip soqqan jol-kólik apatyna 5:32» serıalynyń prodıýseri Anel Sartaeva (Ýalıeva) sebepker bolýy múmkin.

Mundaı aqparat BAQ betterinde paıda boldy. CMN.KZ jazýynsha, «Salem Social Media» medıa-kompanııasynyń prodıýseri 28 jastaǵy Ánel Sartaeva (Ýalıeva) KIA Sportage kóligin tizgindegen. 

Ol «5:32», «Eskort», «1286» jáne basqa da tanymal qazaq telehıkaıalaryn túsirdi.

Eske salaıyq, Almatyda 18-shi baǵyttaǵy avtobýs apatqa ushyrap, bir adam qaza tapty.

Keıin qoǵamdyq kólik kamerasy túsirgen beınejazba jelide tarady.

Kýágerlerdiń aıtýynsha, qaza tapqan adam dúkenen shyǵyp kele jatqan.

Polıtsııa departamenti jol apatyna sebepker bolǵan jeńil kólik júrgizýshi ustalyp, ýaqytsha ustaý ızolıatoryna qamalǵanyn málimdedi. Sondaı-aq rólde áıel adam bolǵanyn atap ótti.

Densaýlyq saqtaý basqarmasynyń taratqan sońǵy habarlamasynda, avtobýs apatynan zardap shekken jolaýshylardyń altaýy aýrýhanaǵa jatqyzyldy.