Almatydaǵy avtobýs apaty: zardap shekkenderdiń barlyǵy aýrýhanadan shyqty
Almatyda avtobýs apaty saldarynan zardap shekken úsh adam aýrýhanadan shyǵaryldy. Olar ótken jyldyń 22 jeltoqsanynan bastap statsıonarda bolǵan jáne barlyq qajetti emdeý kýrsynan ótti, dep habarlaıdy Kazinform.
Almaty qalalyq qoǵamdyq densaýlyq saqtaý basqarmasy habarlaǵandaı, zardap shekken úsh adamnyń barlyǵy Almaty qalalyq №7 klınıkalyq aýrýhanasynda em alǵan. Eń sońǵy shyǵarylǵan 50 jastaǵy áıel aýrýhanada 13 kún jatty, onyń ishinde birneshe kún reanımatsııa jáne qarqyndy terapııa bólimshesinde boldy. Ol klınıkaǵa aýyr qosarlas jaraqat, birneshe synyq jáne travmatıkalyq shokpen túsken.
«Naýqasqa kelesideı operatsııa jasaldy: sol jaqta atsetabýlıarly tirek pen burandalary bar rekonstrýktsııalyq plastınamen tik shuńqyr oıdymyn ornyna salý. Hırýrgııalyq aralasý sátti jasaldy. Operatsııadan keıingi kezeń asqynýsyz ótti. Ońaltý kezeńi erte júrgizildi, operatsııadan keıin 7-shi táýlikke naýqas emdik-eńbek usynymdarymen úıine shyǵaryldy», - dedi Almaty qalasynyń №7 QKA dırektory Manas Ramazanov.
Buǵan deıin №7 QKA-nyń neırohırýrgııalyq bólimshesinde em alǵan eki zardap shegýshi úıine shyǵarylǵan. Olar 1987 jyly týǵan jol apatyna ushyraǵan avtobýstyń júrgizgen áıel men 1968 jyly týǵan er adam. Barlyq zardap shekkenderge qajetti medıtsınalyq kómek tolyq kólemde kórsetildi.
Esterińizge salsaq, ótken jyldyń jeltoqsan aıynda Almatyda avtobýs bir top adamdy qaqqan edi. Polıtsııanyń málimetinshe, №47-shi baǵyttaǵy qoǵamdyq kóliktiń ishindegi jolaýshy janjal shyǵaryp, júrgizýshi áıeldi urǵan. Saldarynan ol esinen tanyp, kólikti basqara almaı qalǵan.
Almatylyq dárigerler búgin aıaldamada bolǵan apattan zardap shekken adamdardyń jaǵdaıyn aıtty, dep habarlaıdy QazAqparat tilshisi.
Apat saldarynan 7 adam zardap shekti. Jedel medıtsınalyq qyzmet kelgenshe úsheýi qaıtys boldy. Taǵy úsh adam túrli jaraqattarmen Almaty qalalyq №7 klınıkalyq aýrýhanaǵa jatqyzyldy.
Avtobýs júrgizýshisin urǵan jolaýshyǵa qatysty qylmystyq is qozǵaldy. https://kaz.inform.kz/news/almatida-avtobus-zhurgzushsn-urgan-zholaushiga-katisti-kilmistik-s-kozgaldi-18b124/
Keıin ol kúdikti ustalyp, eki aıǵa qamaýǵa alyndy.
Avtobýs apatynyń saldarynan qaza tapqan úsh adamnyń ekeýi erli-zaıypty ustazdar bolǵan. Olar Almaty oblysy Qarasaı aýdanyna qarasty Kóksaı aýylyndaǵy M.Mámetova atyndaǵy orta mektepte jumys istegen.
